Connect with us

Sinum Nu Kum 1 Lengkai Rawltam In A Chiatu Hna Nuva Cu Dantatnak An Pek Hna

sinum

Home

Sinum Nu Kum 1 Lengkai Rawltam In A Chiatu Hna Nuva Cu Dantatnak An Pek Hna

Singapore ram ah nuva hna nih an sin ah sinum rian a tuanmi nu cu kum khat lengkai rawltam in an chiah ruangah an sinum nu cu 49kg in 29.4kg tiang a zor.

Nuva hna hi Chong Sui Foon le Lim Choon Hong, kum 48 veve an si. Tuandeuh ah cun Chong Sui Foon hi thla 3 thongdan,  a vapa Lim Choon Hong hi zarh 3 thongdan le  phaisa10,000 liamter dingin dantatnak an rak pek hna. Nain, cawn ninga ni ah khan thla 10 veve thongdan an pek than hna. An sinum nu cu phaisa 20,000 liamh dingin dantatnak pek chap an si rih.

Hi hna nuva hi fa 3 a ngeimi an si caah voi khat thongtlak ah an 2 in tla loin a nupi Chong hi thong a tla hmasa lai. A nupi a chuah zarh khat ah a vapa Hong hi a tla ve te lai.

An sinum nu hi Philippines rammi Gawidin ti a si. Hi hna nuva sin ah sinum rian a tuan  thla 15 chung ah nikhat rawl voi 2 an pek. An pekmi rawl cu zeihmah cawh lomi changreu (bread) le tisa ciah i ei colh a ngahmi khohsuai a si i, dinti a hal hna hin timerh ti an dinter. Chong nih hin an sinum nu cu lenglei zuarmi rawl le eidin dang zeihmanh cawk a sianh lo i, amah nih a pekmi bak lawng cu a eiter. An sinum nu Gawidin nih cun a tuar khawh ti lo caah an umnak inn in 2014, April 19 ah khan a zam tak hna.

Employment of Foreign Manpower Act ning ah cun hi bantuk in sinum a tuahtotu hna cu kum khat thongdan le phaisa 10,000 liamter khawh an si. Chong te nuva cu zeitik hmanh ah sinum riantuanmi lak ti lo dingin Ministry of Manpower nih an phih hna.

straitstimes

Click to comment

Leave a Reply

Your email address will not be published.

More in Home

Alarmi Pawl

To Top