Connect with us

Pathian Bia In Thangzaang La Tti Usih ” Luatnak Phun 2″

Pathian

Religion

Pathian Bia In Thangzaang La Tti Usih ” Luatnak Phun 2″

Luatnak kong vun chim tikah phun hnih in vunlangh ter ka duh.Luatnak phunkhat cu thlarau lei luatnak a si.Thlarau in a luatmi kan si nak hnga Pathian nih a fapa Jesuh a kan pek.Jesuh a zum mi paoh cu zungzal hrem hmun in kan luatlai ti nak a si.Thlarau lei luatnak hi kan mah tuah khawh mi a si lo.Jesuh nih a kan tuah piak mi hei cohlan vial khi kan tuah khawh mi a si.Khrihfami cu thlarau lei luatnak kan hmuh khawh nak hnga tuahsernak in si lo in zumhnak thawng lawnglawng in a si.

Thlarau lei luatnak kong hi Paul nih minung hi Pathian he i remnak cu Jesuh khrih zumhnak lawnglawng in a si a ti.Thlarau lei luatnak kan hmuhnak dingah namgmah le keimah nih nunnak pek a hau ti lo.Biatak nih an luatter hna lai timi khi zumhnak nih cun luat ter hna lai ti he aa khat.Luatnak phun hnihnak cu taksa lei luatnak a si.Taksa lei luatnak cu thlarau lei luatnak bantuk a si lo.Zumhnak thawng lawnglawwng in a lo.Pumsa lei in luatnak ah aa tel mi cu midang nih uknak in luat sifahnak in luat nak hna hi an i tel.Midang uknak in luat kan duhah cun nunnak i pek bak hau.

Sifah harnak in luat kan duh ah cun rian fak piin kan ttuan a hau.Hruhnak in luat kan duh ah cun fimnak kha fak piin kan cawn a hau.Pathian lawng kan rinhah cun taksa luatnak kan hmu kho bal lai lo.Taksa lei luatnak ah tuahser nak lengin a dang a um ti lo.Cu biatak cu kan hngalh ah cun a ka luat ter hrim hrim lai. Khrih nih nunnak pek in a kan luat ter cang.Khrih nih nunnak aa pek nak cu kan nih luatnak a si tiah a zum mi hna cu a mah lam hruainak tang ah nung ding kan si.Kan luatnak cu kan mah duhpaoh in nunnak caah a si lo.Khrih nih luatnak rian a ttuan mi hi a fawi mi a si lo.

Continue Reading
You may also like...
Click to comment

Leave a Reply

Your email address will not be published. Required fields are marked *

More in Religion

To Top