Connect with us

Nu Pawl Mahlawng Caan Saupi An um Tik Ah Zeidah A Chuak kho

nu pawl

Education

Nu Pawl Mahlawng Caan Saupi An um Tik Ah Zeidah A Chuak kho

Nungak pawl nih mah lawng caan sau tuk um tik ah zungzal pasal ca ding thimnak lei ahhin midang nak in an ruah mi le an tuah mi a hlei in an luan deuh tawn. Zei tluk hmanh in an pawng ah a helhtu an tam ko zong ah an sualnak le an tlamtlin lo nak lawng te an hmuh piak hna i a hohmanh a tlamtling mi an um lo tiah an ruah dih hna.

Mah tiin duhsahtein an mah te lawng lileng tein an um, zei bantuk an ruah mi le an hmuh mi ruang dah mah ti hin an si?

Kap khat lei lawng ruahnak a tam tik ah pa paoh paoh hi zumhlonak an ngei i pa hi cu mi thalo an si tiah an zumh. An mui chiat ah le a sikho lo tiphun, A dawh mi a si ah le a nu hnga ma tiah ruah hei tiphun khin an um. Thil a toh (colorful)  tuk mi a hruak ah le khuate fa bantuk tiphun. thil a yin tuk mi a hruk ah le nu bantuk in tiphun khin an ruah hoi hna. Riantuan aa zuam tuk mi a si ah le rian a tinak ah a ka phil lai tiphun tiang thil hme te a si ko mi zong a nganpi in an ruah i an hmuh dih.

Minung paoh nih chanbaunak hi kan ngei dih cio, Mi dang lawng nih an ngeih si lo . kan mah nih kan duh kan uar mi thil zong midang nih an rak duh lo mi zong a um ve ko lai. Mah pawl hi thei in mi chiatnak lawng tein hmuh piak tihi thumh deuh ahcun a tha.

A caan can ahcun khat lei minung nih lungthiang tein bia a chim tik ah a ka uar i si ko lai tiphun in kan lung a puam i dohkalh in bia kan chim tawn caan a um theu. khat lei minung nih a lungthian in bai an chimrel ko bu ah mi biafah an in tik ah an thin lin tawn kha philh ve hlah.

A ka duhmi hi ka dawh ruang ah maw si hnga , nuamnak men men ruang ah maw a duh hnga, asilo ah miaknak aum ruang ah maw an ka helh hnga ti phun in an ruah peng mi hi i palh a fawite na ruah mi pakhat hmanh a rak silo in lunthiang te in an rak duh mi zong si ko.

A caan caan ahcun kan mah duh mi lei lawng tein kan ruah i a tlingmi pa cu ruah zong kan i ruahchan ko hnga. A tak tak ahcun kan duhmi phun le kan hmaika ah a rak chuak mi hi a khah lo caan a tampi tawn.A sinain zei tik paoh ah kan hmai ah a rak chuak mi hi lungtlin lo in kan um i kan lung chung tein Perfect tlangval lawng kha kan hngah peng nak ah kan tlolh tawn.

Mah pakhat lawng um ahcun thinlung lei ah tuarkhawh nak a si khawh chung in ngeih a hau cang. Mah bantuk caan ah zeitindah a si ti ahcun a caan caan ah kan mah le kan mah kan i zumhnak a luan tuk tawn i mi nih pa thinlung a ngei tiah a kan ruah caan zong a um. Cu caah a cunglei kan rak langhter mi bantuk ruahnak na ngeih sualnak hnga lo nangmah lawng um hi thiltha a si lem lo.

Click to comment

Leave a Reply

Your email address will not be published. Required fields are marked *

More in Education

Alarmi Pawl

To Top