Connect with us

MIFIR KAN TI MI CU

Pathian

Religion

MIFIR KAN TI MI CU

Mifir cu fir duh le thah duh le hrawh duhah a ra tiah Bible ah kan hmuh ( Jn 10 : 10 ). Minung nih mifir kan ti mi cu mi inn baoh i mi thil fir piak mi le mi hngalh lo karah mi thil lak a hmang mi hna khi mifir kan ti. Cu bantuk in a fir mi cu mi zapi thinlungah phundang in a um.

Thawnginn tlak veve a si ko hmanhah fir ruangah thawnginn a tla mi khi ningzak thil ah tam deuh nih cun kan ruah mi a si.Mifir hna lungput cu, mah miak i mi sunghter nak, mah nun i midang thihter duhnak, mah lawmh i mi tahter duhnak, mah lawng pawkhim duh i midang paw tam ter duhnak ti te hna hi mifir hna an lungput a si. Phundang in chim ah cun mifir cu midang caah ruahnak pakhat hmanh a um lo, keimah caah, keimah kaa nuam le kaa lawm paoh ah cun a za timi ruahnak a si.

 Nihin kan nunnak ah hin mithil cu kan va fir lo nain, kan thinlung ah mah ca lawng ah kan ruah i mi dang caah kan ruah lo mi hi mifir lungput a si. Cu bantuk lungput cu Jesuh a zul mi nih ngeih dingmi lungput a si lo i khuachia lawng nih a ngeih dingmi lungput a si.

 Nan lungput cu Khrih nih a ngeih mi lungput siseh tiah Bible nih a kan cawn piak. Khrih nih a ngeihmi lungput cu, midang khamhnak caah mah tu thih, mah nunnak tu thih i midang tu nunter nak, keimah nakin midang i lawm deuh seh, midang nuamnak ding a si ah cun ka mitthli a tlak ko zongah a poi lo timi lungput a si.Cu lawng si loin toidornak, ngaihthiam nak, le dawtnak hna hi Khrih nih a ngeihmi lungput cu an si.

  Hi lungput hna hi ngei kho ding cun a har tukmi a si. Daw Aung San Suh Kyi nih a chim an ti mi cu, ral that kan ti mi cu kuttum he zuan khi a si lo, a har ti theih ko buin tuah ngam khi ralthat a si a ti.Khrih nih a ngeihmi lungput hi zeitindah kan ngeih khawh lai ti hi Pathian fa a si mi nih cun an ruah nain, Khuachia fa nih cunzeitindah keimah miaknak caah ka ruah khawh lai ti lawng a ruat.

       Kan mah nih cun mifir ka si lo kan ti ko hnga. Sihmanh sehlaw mi thil fir a hmang mi hna lawng khi mifir an si lo, mah ca lawngah ruah i Khrih nih a ngeihmi lungput a ngei lo cu mifir kan si ko.

Click to comment

Leave a Reply

Your email address will not be published.

More in Religion

Alarmi Pawl

To Top