Connect with us

Midang He Bia Ruah Tik Ah Bia Chim Ning Daan

biaruah tik ah

Education

Midang He Bia Ruah Tik Ah Bia Chim Ning Daan

Midang he bia nan i ruah tik ah lungthiang tuk in va chim phutmat hlah, Na mit hmuh lonak ah mawh an in phurh lai, Midang he bia nan i chawnh tik ah cawhburh tuk in bia chim hlah, Na tlamtlin lonak zawn ah an in lamh chih sual lai.

Midang he bia nan i ruah lio ah bia cekne tiang hal in burhdah i tim hlah, An in nautat lai, Midang he bia nan i ruah lio ah cu tin a si kha tin a si tiin na hmuh ning kha tamtuk in chim hlah, Fihnung tuk mi ah an in ruah lai. Midang he bia nan i ruah tik ah thangtthat tuk hna hlah, Mi lungthiang lo ah an in ruah sual lai, Midang he biaruah lio ah mi bia tan hmang hlah, phunglam hngal lo ah an in ruah sual lai.

Midang he bia nan i ruah tik ah bia tamtuk hal hmang hlah, Komh lo phun ah an in ruah sual lai, Midang he bia nan i ruah lio ah midang chiatnak chim tuk hlah, Keimah kong zong hi mikip sin ah a chim dih lai tiin an ruat lai.

Na theih dingmi cu minung paoh lung hnahnawh nak an ngeih dih caah, a tlungtlam i thinlung a nuamh tertu bia hna lawng theih an duh, Cu ruangah midang thinlung nuamhnak kha a bik in ruat law chim, Bia hi a hmaanmi a si ko zong ah chim phun a si le si lo tuaktan hmasa a hau, A hmaanmi bia hna hi midang caah man ngei a si kho nain, a chimtu nangmah caah harnak le ral a chuahpi khomi zong a si, Na naihniam tuk mi sin zongah tuaktan bu tein bia chim khawh i zuam.

Click to comment

Leave a Reply

Your email address will not be published.

More in Education

Alarmi Pawl

To Top