Connect with us

Kumthar Ahcun Na Ruahnak Thluak Chung In Hi Thil Phun (6) Hi Hlaw Law Chuah Dih Cang Hna

mirum

Education

Kumthar Ahcun Na Ruahnak Thluak Chung In Hi Thil Phun (6) Hi Hlaw Law Chuah Dih Cang Hna

(1) Zeihmanh ah an rel lomi kha zeihmanh ah na rel hna ding an si lo, Micheu ruahnak cu an zawn na ruah hna deuhdeuh lai nain, Lam hlat ah an in kal tak deuhdeuh ve lai, Cu ruangah an kong na ruah i an zawn na ruah tuk hna nak in nangmah zawn tu kha i ruat deuh.

(2) Mi laklawh pawl kha hrial hna

Minung hi kan i khat cio lo, A cheu cu midang nih an tuahmi thil paoh a tthatnak lei khel in an hmu kho lo, An mah duhnak lawng an ruat i an lung chung ummi bia paoh an chim phutmat ko, Cu bantuk minung cu lamhla pi in va hrial hna, An zawtnak an in chawnh ve sual lai phan a um.

(3) Thil pakhat khat paoh thiam cawn khawh i zuam zungzal

Fimnak cawn hi tar ti a um lo, zeibantuk fimthiamnak paoh cawn le thiam ding in ttih hlah, Ka kumkhua he aa tlak lo ka tar cang va ti hlah, cun ka ngakchia tuk rih ka upat tik ah ka cawng te lai ti ruahnak zong va ngei hrim hrim hlah.

4) A hlan kong ruat tuk hlah


A liamcia caan lio thil sining ruat tuk hlah, A luancia caan chung ah na philh khawh lomi thil tampi a um lai, Asinain a liamcang mi caan cu kal taak cangmi an si hna,Hmailei na lamthluan tu kha zeitin dah aa dawh khawh lai i a tthat lai ti tu in na ruah i nai zuam deuh awk a si.

(5) Man ngei ah i chia

Mifel zumhawktlak mi si hi vawlei cung ah man a ngei bikmi a si ko, Zeitin dah ka tthancho khawh lai tiah nai zuam ding a si i lungthin ttha ngeih khawh i zuam fawn.

(6) An duh ning paoh in ruat ko hna seh

Minung hi thinlung ruahnak a phun phun a ngeimi kan si, manngei i kan chiah mi thil le kan ruahmi thil aa khat cio lo, Kan mah le kan sining cio te a si caah ka hmaan ti nai zumh ah cun zeithil paoh tuah ko, Midang nih zeitin dah an ka ruah lai i kan hmuh lai ti mi kha thinphang in tuaktan tuk hlah.

Click to comment

Leave a Reply

Your email address will not be published. Required fields are marked *

More in Education

To Top