Connect with us

Keimah Hi Mo A Ngeimi Nu Sining Law” Hringtu Nu A Simi Paoh Nih Rel Phu Taktak A Si”

monu

Education

Keimah Hi Mo A Ngeimi Nu Sining Law” Hringtu Nu A Simi Paoh Nih Rel Phu Taktak A Si”

Ka fapa nih a thimmi nu cu zeibantuk a si hmanh ah ka mo dingin ka cohlan ko lai, A ruang cu kum caan saupi kan cawmken kan zohkhenh mi ka fapa nih kan mah he aa rem hnga lomi le amah cung ah intuar khawhnak a ngei lomi nu cu kan mo si ding in zeitik hmanh ah a tthi lai lo ti cu fiang tein ka hngalh ruangah a si.

Ka fapa hi kanmah he ka um ter lai lo, An mah 2  te lawng inn dang ka chuah ter hna lai, A dang te ah um i mah tein khuasak i zuam hi nu paoh nih kan i ruahchan mi a si, Cu lawngah pa bik nih a chungkhar a hruai khawh ning le a thil ti khawh ning kha a lang kho lai.

Ka fapa cu keimah nih ka chuankhin mi rawl le meh ka ei ter peng lai lo, A nupi nih a chuanmi ti le rawl lawng ka ei ter lai, Cu nih cun ka monu i a santlaihnak le a thil tikhawh nak kha ka fapa nih a theih fian lai, Cu lo ah cun ka thladem tang ah ka fapa cu aa dor lai i, A tthangcho lomi ah a cang sual lai ti ka phang.

Ka fapa ka dawtnak a cheu cu a nupi a simi ka monu ka cheuh lai, Keimah cu hnangam tein nun caan ka hmang lai, Cu lawng ah ka fapa le ka monu nih caan khat i nu le pa dirhmun an phak tikah, Zeitin dah tthut-dir ning a si ti kha an fiang lai i, An fale an chimh cawnpiak khawh hna lai, Kan mah kan um ti lo hnu ah ka fapa hi chungkhar nupi le fale caah, Bochan tlak siseh ti hi ka saduhthah a si.

Ka monu cu hramhram in ka inn len ka sawm lai lo, um zia thiam loin aa pittet sual lai i ka mithmai zoh in a um sual lai ti ka phang, Keimah zong nih midang inn ah um in ka fapa nih mi mithmai zoh aa harh tuk hnga ka ruat kho ve lo, Dawtnak timi cu dir loin a hnuzul thil a um peng, Keimah nih an cungah dawtnak taktak ka ngeih ah cun, ka hmurka in chim len a hau lo, Ka monu nih a theih fian ko lai.

Ka fanu nih ka lung a ka ton lo ah cun ka hro ko lai, ka fanu cu a ttap ko lai nain, ka lem tthan khawh, Asinain ka monu cu ka thinlinh zong ah ka hro len lai lo, Ka hro sual ah cun leng lang in a ttap ngam lai lo i, A chung lei in a ttap sual lai ti ka phang a lem zia ka thiam lai lo pin ah ka fapa zong mi lem thiam a si lo sual ah.

Ka tar tik i rian ka ttuan khawh lo tikah, ka monu nih ka zohkhenh seh tiin amah cu ttuanvo  pek in thilrit ka khinh lai lo, Keimah tein sinum ka hlan lai, Kum khua upa cangmi hna i kan herh ning paoh kha kum nomi ka monu nih a tuah khawh lai lo tikah, A herh lomi buainak tete a chuak sual lai i ka fapa cungah a tla kho mi a si.

A tak ah cun, Ka fapa i hringtu nu ka si hi a hmanung deuh a si, Mo dirhmun ka si hnu lawngah mo ngei kho dirhmun ka phak khawh hi a si, Mo dirhmun le mo le nih tuarmi cu ka fapa nupi hlan ah ka rak ton bal i ka rak theih dih cang, Ka fapa nak in ka monu cu keimah i ka no lio ka sining le ka hmanthlak ka nunning kha a rak si.

Cu ruangah a hlei in theihthiamnak nun ka ngeih hnga hi cu thil dik a si, Midang nak in ka theihthiam deuh ti ning law na hleihluan tuk nan ka ti sual hnga maw?

Click to comment

Leave a Reply

Your email address will not be published.

More in Education

Alarmi Pawl

To Top