Connect with us

Kawl Ralkap Nih An Chim Tawnmi

ralkap

Politics

Kawl Ralkap Nih An Chim Tawnmi

Aa tlak/rem ning “appropriate” or “Proper” le A herh ning “Necessary”

Media organization pakhat khat nih ralkap bawizik he hmaiton biaruahnak an tuah tik paohpaoh ah atanglei bantuk biahalnak hi a tel zungzal theu. Cu biahalnak cu zeitik ahdah parliament chungtel sinak in nan chuak te lai ti hi a si ton. Parliament chungah Ralkap 25 percent an um ti cu a hopaoh nih theihmi a si. Ralkap nih an chim tonmi cu a caan a rem tikah “appropriate time” hi a si zungzal.

Constitutional Law le Policy sernak lei Professors hna nih an kan chimh tonmi cu a herh ning, aa tlak ning, a rem ning “appropriate, proper, necessary” timi biafang nih buaibainak tampi a chuahter. Cucaah phunglam, phungphai nan ser tikah “a tlak, a rem, a herh ning in” timi biafang hi nan hman lo ahcun a tha cem tiah an kan chimh theu.

A luan cia caan meeting biachahnak hna kan rak tuah tonmi kha ka lung ah a chuak. Kan meeting biachahnak ah hin “a herh ning asiloah a tlak ning” in timi biafang te hi ka rak hman lengmang theu ve. Cu kong te cu discussion ka tuah ton ve i an nih hna ka chuak pah theu. Zeiruang ahdah acunglei biafang hna hi buaibainak aum lengmang ton hnga?

Upadi chungah siseh, meeting biachahnak ah siseh, adangdang ah siseh, ruahnak aa khat lomi kan um ahcun acunglei biafang nih buaibainak tampi a chuahter cang. Cu bantuk buaibainak cu ram cheukhat nih an rak ton bal cangmi a si ve. Tahchuhnak ah thil pakhat kan tuah cang lai kan ti ahcun a cheu nih mah ti hin aa tlak ning asi ko an ti lai nain acheu nih mah hi cu aa tlak lo an ti khawh ve. Mah hi cu a herh bak. Kan tuah bak ding asi cang an ti lai. Khatlei nih a herh rih lo, tuah a hau rih lo an ti khawh ve.

Cucaah Ralkap bawizik hna nih a rem cang, a tlak cang, a caan nih a phan cang caah 25 percent Ralkap Parliament chungtel sinak in kan chuak cang lai an ti nak ding hi cu a duh le kum 1000 zong a rau kho. Kum 10 chung zong ah a si kho. “Ruahchannak tu in zei tikah ralkap nih a rem, a tlak, a herh cang” tiah an chim cang tu hngah peng dawh kan si cang ko lai caah ………..

Credit: Salai Thawng Za Pum

Click to comment

Leave a Reply

Your email address will not be published. Required fields are marked *

More in Politics

Alarmi Pawl

To Top