Connect with us

Kapa Ka Rak Theithiam Lo Ee Na Temhtuarnak Kanu Lawng Hi A Sunglawibik Ah Ka Rak Ruah Sual

ka pa

Education

Kapa Ka Rak Theithiam Lo Ee Na Temhtuarnak Kanu Lawng Hi A Sunglawibik Ah Ka Rak Ruah Sual

Hringtu pa le nih fale sinah an chim bal lomi an lungchung biaphuan. Nan ka chung i rawl an barhtu hna hringtu nan nu kut lawng a thlum-al bik ah nan ruah, Rawl an kawl piaktu hna nan pa kut a ttenpaam mi vial nan thei lo, Zei ah nan ruat lo, Ti an kholh tu hna nan nu kut lawng nan tlaihchan ti an than piaktu hna nan pa bel cu man ngei ah nan ruat lo.

Pangpar an tonh tu hna hringtu nan nu kutzung lawng nan tlaihchan, Pangpar an tuh piak i an ttawh piak hna ruangah hling chunhnak hmeneh a ing mi hringtu nan pa kut cu zei ah nan rel lo, Nan i khawn-den paoh ah ei (Ka Nu) tiah nan hlam, Asinain ka fale an i khawng sual lai tiah nan hmai in lam an sial piaktu hringtu nan pa vial cu nan lung thlipel hmanh in nan ruat lo.

Ka pa tiah lungtho thanuam tein kan rak hlam hi cu a um tuk lo a hmaan mi thil a si, Kapa na hmai kan khap lo, Kan mitthli a tlak ah a kan hnawt tu cu hringtu kan nu le an si, Pa le nih cun fale mitthli a tlak nak hnga lo kan duh mi paoh a kan tuah piak tu an si ve.

Ka nu hi sual ka phawt cu a si lo, Hringtu nu le an tthat lawng ah hringtu kan pa le zong kan dawt khawh hna, Ka pa kan tlaihchannak hnga hringtu ka nu nih a kan cawn piak bal lo, Ka pa na kut cu hmape in a khat hnemh ding kan rak in theih lo caah, Kan ngaithiam ko Ka Pa.

Ashin Nandasiri

Click to comment

Leave a Reply

Your email address will not be published. Required fields are marked *

More in Education

Alarmi Pawl

To Top