Connect with us

Hi Bantuk Na Si Sualnak Hnga Lo Na Ngandam Nak Ding Caah Kuak Zuk I Ngol Cang

rlaring ding

Health

Hi Bantuk Na Si Sualnak Hnga Lo Na Ngandam Nak Ding Caah Kuak Zuk I Ngol Cang

July Moe timi ni nih hringtu kapa bantuk nan si sualnak hnga lo tiin siaherhnak he facebook ah a hun tar, Hi hmanthlak chung hi zahan zan ah kapa nih a luakmi thi lawng te an si ka lungre a thei tuk sibawi sin kan kal tik ah hi hmanthlak pawl hi ka hmuhsak te lai tiah ruahnak a hung lut i ka thlakmi si tiah a ttial.

Ngaihchihnak timi cu a tu ah a si lai lo, caan a tlai hlan ah na kuak zuk kha ngol cang, hringtu ka pa hi kum 14/15 a si lio in kuak a rak zumi a si cang, A ngolnak hi kum 4 tluk hrawng lawng a si rih, kuak a ram tuk ah hin a pawng kan um ah cun kuak haw nih a zelh in a rak zelh tawn tiah a ti.

Nikhat ah kuak bawmkhat dih tiang a zuk caah, cu nih cun atu ah harnak a pek, A luancia kum 2 lio ah khan a cuap thahri a tthat lo ruangah sii thlopbulnak a rak tuah, inn chung in inn hnu lei a kal hmanh ah ka baa tuk tiah a ti, a taksa zong a ro-car dih, a khuh ah thi aa tel pah lengmang sizung ah kan piah nain a cuap hi ttha tein rian a ttuan kho ti lo.

Santlaihnak a ngei lomi kuak hi cu zu hrimhrim hlah uh, ngol cang uh, a zu rih lomi zong nih tawng chun hlah uh, kuak zuk lawng hlah a dang rithaisi le zuu tibantuk pawl kemh chih rih ah cun chan a tawi chin chin, A tu ah hringtu kapa cu sizung ah a um liopi a si i damnak a hmuh khawhnak hnga thlacamnak in kan bawm ve hram uh tiah ralrin pek nak he a hun ttial.

July moe

Click to comment

Leave a Reply

Your email address will not be published.

More in Health

Alarmi Pawl

To Top