Connect with us

Chungkhar Lawmhnak Le Inn Pa He Dawtnak

chungkhar

Education

Chungkhar Lawmhnak Le Inn Pa He Dawtnak

Thlachiat ruahnak nih chungkhar ah lawmhnak a chuahpi.Pakhat le pakhat kar ah palhnak le i ti sualnak a um hmanh ah  ,nu le va karlak i theihthiam lo nak a um sual hmanhah thlachiat ruahnak cun teirul a cham hna lo caah nu le va an i daw ,nu le va i dawt ah cun chungkhar a nuam .Chungkhar a nawmhah cun nun a dam tuk i vaw lei nun a nuam.

Chungkhar lawmhnak le dawtnak nih a hei hrin chih mi cu inn pa chak thlang he i dawtnak a si.Laimi cu inn pa le chak thlang he thuk piin pehtlaihnak a ngei mi le nun hrawmnak a ngei mi kan si.Thlachiat ruah kan ngeihmi lungput nih inn pa le rualchan a pumh i dawtnak hri a sih,cu tikah a nuam mi mibu tiang a hei ser khawhnak a si.

Laimi hi kan kokek sinak hrim hrim in a buu in nun a duh mi kan si ti cu a fiang.Laimi kan sinak chungah a buu in  ,inn pa chak thlang he naih niam ngaiin a nungmi kan sinak cu kan phungthluk te hna ,kan bia le kan hla te hna ah innpa kong tampi a cuan mi ah a lang.

Umnak hmun le hma in aa hlat mi unau nak in inn pa he naihniam deuh in aa daw hria mi kan si.Hi zawn hi kawl le lai kan i dannak pakhat a si. Laimi cu Pathian thawngttha kan rak theih hlan,khrihfa ah kan i thlen hlan piin inn pa sinak he aa then kho lo mi ,nun aa seng mi kan rak si diam cang.Cu cu aa dawh mi kan nunphung ruang zongah a si pin ah ,kan miphun sinak ah thuk piin hram a sih cangmi thlachiat ruah lungput kan nun pi caah a si.

thlachiat ruah theology cauk

Click to comment

Leave a Reply

Your email address will not be published. Required fields are marked *

More in Education

Alarmi Pawl

To Top