Connect with us

Chin ramzal hna Kawlram ah kir cang dingin UNHCR Bristish Cozah Nih Cakuat Mi lehnak

Chin

Chin ramzal hna Kawlram ah kir cang dingin UNHCR Bristish Cozah Nih Cakuat Mi lehnak

Chin miphun a kan dirhkamh pengtu British ram i MP asimi Baroness Cox nih, Chin ramzal hna Kawlram ah kir cang dingin UNHCR nih ca a kuatmi hna kong ah, British Cozah nih felfai deuh in hlathlai dingah Ramdang Pehtlaihnak Vuanci cu a forhfial. Cu konghe pehtlai in, British Cozah Ramdang Pehtlaihnak Vuanci nih ca lehnak an hun tuah cang. Hikong a tawlreltu Dr. Sa Sa cungah lunglawmhnak tampi kan ngei.

Laica in a tawi fiannak in ka hun leh. Mirangca in offical in an ilehnak zong ka hun thil chih. A tanglei ahhin rel khawh an si.

Malaysia i Chin ralzam hna kong he pehtlai in June 29 ah Ramleng Vuanci hlun sinah ca na kan kuat caah kaalawm. Asia le Pacific Vuanci dirhmun in ca kan leh. UN tengnge asimi UNHCR nih Malaysia i Chin ralzam pawl cu ramdang hna i kilven zohkhenhnak an herh maw herh tilo timi pumpak cio in hlathlainak tuah thawk dingin June 13 ah thawngzamhnak a tuah.

UNHCR bia a khiahnak kan i fianning ahcun, Chinram cu a luanciami kum le caan he a lamkip in cuanh dothlat cuaithlaiti tikah, a him deuh ngaingai cang. Cu caah UNHCR nih Chin ralzam hna cu pumpak cio in an sining a hlathlai than hna lai. January 1, 2020 thawk in Chin ralzam cheukhat cu ralzam sinak status lakpiak khawh than an si lai ti hngalh khawh asi. Cu kong i kan fianning ahcun, hi zatzat minung hi hramhram in Kawlram ah an kir ter hna lailo. Cu hlathlainak kongah a herh ningin pehtlaite in kan cuanh lengmang ve rih ko lai.

Chin miphun tel in Kawlram miphun hna caah, ramchung buaibainak cu daihnak in lam a kawl dingah kan Cozah nih Kawlram Cozah cu kan hnek peng rih ko lai. Mipi le zauk phung nawlngeihnak tangah ralkap zong a um dingin kan hnek rih lai. Aluancia zarh i Napyidaw ah tuahmi A voi 3nak Panglong Daihnak Conference zong ka cohlan i, Rampumpi Kahdaihnak ah min a thumi Chin National Front zong aa teltum ve. Ramchung buaibainak cu ramkhel biaruahnak he a hmunmi daihnak a um khawhnak dingah UK Cozah nih an zapi in kan forhfial peng rih ko hna lai.

UNHCR

UNHCR

Ramtin Thei

Click to comment

Leave a Reply

Your email address will not be published. Required fields are marked *

More in Chin

Alarmi Pawl

To Top