Connect with us

Aka Zuamcawh Mi An Tam Tuk Tawn

zuamcawhmi

Education

Aka Zuamcawh Mi An Tam Tuk Tawn

Kan mah nih cun an mah konglam pakhat hmanh kan thei hna lo nain kan konglam hi kan mahnak in a thei deuh mi an rak um theu tawn. Kan nih nih cun zeidah an tuah timi va hlethlai ding ah caan kan ngei lo nain kan tuah mi thilpoh kha an kan hlethlai i chiatnak, palhnak rumro kawl piak i a caan pek kho ngai mi le mi kongceih a hmang mi minung an rak um theu tawn.

Ho dah a si ti hmanh kan theih lo mi le a konglam hmanh ttha te kan theih lo mi nih zei ruang um lo piin mi huat a hmang mi minung an rak um ve. Mi caah tthatnak ngan pipi cu kan tuah khawh mi a um lo nain kan sikhawh tawk te in kantuan mi cung ah tlangthlak khawh nak ding ah khua a khan mi an rak um theu ve, an nih tah zei dah an tuah hnga tiah le, an tua mi thil zeihmanh a um huaha hoi lo.

Midang palhnak kawl cu thawn ngai, mah palhnak bel i hmuh lo, Cun an cung ah tthat kan i zuam ko zong ah kan cung ah a ttha in a kan hmuh piak duh lo mi minung an um hoi. kan tuahmi thil poh a chia in a kan hmuh piaktu ding ah vawlei ah an chuak rua ti tiang in kan i ruah tawn mi hna an um. kan mah lei nih cun midang huatnak ding ah a caan zong kan ngeih lo bantuk in a caan pek in mi huat zong kan hmang lo. A ttha bik mi cu zeirel piak lo hi a si.

Hater’s gonna hate ti mi bia a um, a kan hua mi nih cun a kan huat ko Lai, mi pakhat khat i a ruahnak kan mah nih thlenpiak khawh a si lo. zei tluk hmanh dawt nak ngei ning law a kan huat thiam ko Lai. kan mah lei ruahnak/hmuhnak bel hi thlen khawh a si, a kan huat bantuk in va huat ve a herh lo kan tuah ding riantu kha tuah ding a si ko.

A tthang cho deuh mi poh nih huatu an ngei dih,zei hmanh a si lo mi pawl hmanh an ngei. A minthang mi le bang cu an zual Ronaldo, messi a dangdang vawlei cung minthang poh hautu an ngei dih. Nain an nih cu cu bantuk kong ceihnak pawl kha zei ah an rel lo an minthang chin nak ding lamtu an kawl chin.

A kan huatu an um caah na lungrethei hlah, a kan dawtu caah nung ko,huatnak in nun i tim hlah. mi huatnak ngeih cu lungre a thei tuk. zeitluk in dah ka tthancho khawh lai ti tu i zuam ko. A sang deuh mi thingkung poh cu thlichia an ing dih

Click to comment

Leave a Reply

Your email address will not be published. Required fields are marked *

More in Education

To Top